اخبار خارجیاخبار داخلی

درگیری میان گروه طالبان و مرزبانان تاجیکستان

آریاپرس

گفته می‎شود میان گروه طالبان و مرزبانان تاجیکستان درگیری شده است.

این درگیری روز دوشنبه 25 ثور در مربوطات شیرخان بندر رخ داده و به مدت چهار ساعت ادامه داشته است.

خبر ها می‎رساند که جنگ میان مرزبانان تاجیکستانی و گروه طالبان پس از یک درگیری لفظی با نخستین شکلیک از سوی طالبان آغاز شده است.

این درگیری در حالی رخ می دهد که ولادیمیر پوتین، رئیس جمهور روسیه و امامعلی رحمان، رئیس جمهور تاجیکستان، سه روز پیش برای گفتگو درباره مسائل امنیتی دوجانبه با یکدیگر دیدار کردند.

این جنگ یکی از سلسله جنگ‎های مرزی است که پس از به قدرت رسیدن طالبان میان نیرو‎های این گروه و مرزبانان کشور‎های همیسایه رخ داده است.

اگرچه طالبان بارها گفته است که هیچ تهدیدی از سوی افغانستان به کشورهای همسایه نخواهد رسید، چند روز پیش داعش نیز مسوولیت شلیک هفت راکت از افغانستان به تاجیکستان را بر عهده گرفت.

نوشته های هم‌سان

Back to top button